Hopp i havet til hausten

På linja Kystfriluftsliv får du drive med havpadling, brettsegling, fridykking og undervannsjakt. Klasserommet er stort sett ute i det fri, der du knyter nære band til naturen. Dette blir eit aktivt år! Nemnte vi bogeskyting og friklatring??- Ei line som har vore diskutert lenge. Kjekt at den no kjem i gang. Famnar om alt som har med kystfriluftsliv å gjera, seier Børjhe Møster som skal driva lina og lovar flotte naturopplevingar. Og legg til at det våte element og kystnaturen året rundt er kjernen i dette. Manger folkehøgskule har tidlegare år hatt både formingsline og luftfartsline, men er nok aller mest kjent for musikklinene sine. Dei tre linene; brassband, musikkproduksjon og band får neste år selskap av ei nystarta vokalline.